Da Summa is a hoaße Zeit und oigemein sogn d´ Leut´:
„In da Nocht regnt ´s, am Tog scheint d´ Sun, ´s Weda passt,
do mog wos gedeihn und d´ Laundwirtschoft kau si gfrein“.
Jo, ´s Klima vaändat sö für olli af da Wöd,

mia sitzn im gleichn Boot, do hüft uns koa Göd.
Groß is d´ Summahitz - oafoch rostn, sitzn und schwitzn.
Wer fleißi gorbat hot, der mog sö an Urlaub leistn,
a schöns  Reisezü suacha, dös toan dö meistn.
Ferien am Meer mit an schneeweißn Straund,
dös genießt ma relext im Urlaubslaund.
Kulturreisen mit vü intressantn Städte Trips,
bummeln, Devisen ausgebn oda im 4 Sterne Hotel lebn.
Rucksack Tourismus, mit ´n Mountain Bike a Tagestour
do gibt ’s zan Entdeckn a grod gmua.
Eikehrn am Berg ban Hüttnwirt, zan jausna gibts Speck, Kas,
sömbochas Brot, Müch, Most und a Stamperl Enzian - Prost!
Wer nit weg fohrt,  is wegn dem a nit orm,
wei unsa Österreich is a liabnswerts Dahoam!
Im Gortn a Hängemattn, an Liegestuhi, daun fühst di wohi.
Üwaroi Bluman, d´ Vogal zwitschern, d´ Muckn beißn,
schmökerst Lyrik, heast an Beat an heißn,
dazua Gegrilltes, Sparerips, Koteletts und Fisch - bitte zu Tisch!

Wern so dö persönlichn Wünsche und Sehnsüchte erfüt?
Wonn d´ Gesundheit passt und ´s Wetta a nu stimmt,
daun koust mit Fantasie durchotmen…
dö Seele baumeln lossn und stü ba dir söwa okemma!

Die Welt ist ein Buch; wer nie reist, sieht nur eine Seite davon. (Aug. v. Hippo)
I wünsch an feinen Urlaub mit Herz und Lebensfreude.  Margarete Sickinger