D´ Zeit is reif für ruhige Stund´n, wo da Mensch zan onder´n g´fund´n,
dös wort´n is vorbei, ös weihnocht´ schau, i tua mi gfrei´.
Dö hö erleichti Weihnochtsnocht, hot uns ´s Christuskind brocht,
olli Johr dös gleiche Spü, so wia ´s a jeda wü.
Weihnochtsliada werd´n gern g´sunga, sogor va dö Junga,
a jeder zoagt sei beste Seit´n, koa Streit,
koa Schimpf´n, tuast am Weihnochtstog find´n.
Weihrauch ois Segenszeich´n, dazua ´s Friedensliacht,
dös wos ma in da Familie siacht.
Christbaumkugl´n, Lametta, Kerz´n glonz´n am grean Bam,
d´ Glock´n konnst hör´n, besinnlich tuast werd´n.
Erinnerungen werd´n woch on so monche Begebenheit
und ´s Herz geht auf voi Daunkborkeit.
Mitanaund´ feiern, owa a on Benochteiligte denga,
mit Liab und G´füh, wos dem Nächst´n schenga.
* Stille Nocht, heilige Nocht *
dös söm g´mochti Kripperl, hot glückli´ g´mocht!
Margarete Sickinger